Kalibo, Aklan – Nakaangkon makaron it problema sa supply it Anti-Rabies Vaccine bukon eamang it sa probinsya it Aklan kundi sa bilog nga kalibutan.
Raya rong ginpahayag ni Dr. Cornelio “Bong” Cuachon Provincial Health Officer I sa pakikipag-angot kana it RMN DYKR Kalibo sa programang Straight-to-the-Point.
Suno kay Dr. Cuachon nga 1st Quarter pa eang it 2018 hay nagpasayod eon ro DOH Regional Office 6 nga makaangkon it problema sa bakuna bangud nga ro sambilog sa mga supplier sa bilog nga kalibutan hay nadiskubrehan ko nagtaliwan nga Abril 2017 it China nga may bacteria residue ro andang 25 international unit.
Matapos nga raya nadiskubrehan hay gin full out tanan ro bakuna sa bilog nga kalibutan.
Dugang pa ni Dr. Cuachon nga daywa manlang ro bakuna nga WHO Prequalified vaccine. Raya hay ro Rabipur kung sa siin raya ro nagkaproblema rong manufacturer ag ro ana it Sanofi Pasteur nga manufacturer it Dengvaxia.
Sa makaron suno kay Dr. Cuachon ginagamit it mga Animal Bite Center hay ro mga FDA approve pero bukon it WHO Prequalified Vaccine.
Iya sa probinsya it Aklan may daywa ka mga government animal bite center imaw rong sa Provincial Health Office (PHO) ag sa Banga Municipa Health Center.
Samtang ro mga private hay ro Godofredo P. Ramos Hospital sa Altavas, Ibajay District Hospital, St. Gabriel Medical Center, Panay Multi-Purpsoe Cooperative Hospital ag sa Provincial Hospital.
Gin athag pa gid ni Cuachon nga bago paman matapos rayang dag-on hay basi makabalik eon sa dati ro supply it vaccine.
