General Santos City— Giangkon ni Gensan City Mayor Ronnel Rivera nga dili gyud malikayan nga duna pay nagpabilin sa pagkahilambigit sa illegal nga droga. Paniguro niini nga ginahimo sa lokal nga panggamhanan ug kapulisan ang tanan aron nga maundang ang pagpayuhot sa droga sa dakbayan.
Dugang pamahayag ni Mayor Rivera nga basi sa report sa Gensan City Police Office, mikunhod ang suplay sa illegal nga droga partikular na shabu sa dakbayan gumikan sa pagtaas sa presyo.
Pasabot matud pa niini nga aduna gyu’y epekto ang mga operasyon nga ginapahigayon sa dakbayan apan iyahang gi-angkon nga wala pa gyud kini hingpit nga nawala.
Samtang gibutyag ni Mayor Rivera nga kinahanglan gihapon nga tutukan sa illegal nga droga gumikan gawas sa shabu, nanggawas na usab ang mga pina-ugang dahon sa marijuana.
