May-yara na sang kakulangan sang supply sang tubig sa pipila ka irigasyon dire sa probinsya sang South Cotabato tungod sa naeksperyensyahan nga dry spell kabangdanan nga apektado na ang pipila ka mga pananom partikular na sa palay base sa monitoring sang National Irrigation Administration ukon NIA.
Ginkumpirmar man ni National Irrigation Provincial Officer Orlando Tibang nga may nabaton na sila nga reklamo halin sa mga mangunguma sa pipila ka area nga nagpasimpalad sa pagtanom bisan may abiso na sa ila nga may ipatuman nga water closure.
Samtang, ginbalik naman nila suno kay Tibang sa irrigation association ang pagdesisyon kon ano ang sarang mahimo matapos nga yara sa 300 ka ektarya ang apektado.
Advice naman sini sa mga mangunguma nga kuntani tumanon gid ang cropping calendar agud nga indi mabutang sa ital.-ital nga sitwasyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
