General Santos City–Padayon nga ginaila karon sa Police Station 1 ang identity sa suspect nga mipusil sa bikttima nga si Carlo Pasagdan Atol, 21 anyos usa ka mananagat nga nanimuyo sa Purok 9-B Tinago, Barangay Dadiangas South ning syudad sa dihang nakasibat kini human gipusil ang biktima.
Sumala pa ni Police Capt. Abdulsalam Mamalinta ang hepe sa Police Station 1 nga padayong nagalihok ang mga intel sa ilahang estasyon aron nga gilayon nga mailhan ang suspect sa maong pag pamusil ug mapasakaan ug kaso.
Sa karon anaa na matud pa sa luwas nga kahimtang ang biktima nga si Carlo human nga gilayon kining natambalan sa hospital tungod sa samad pinusilan nga naangkon niini sa iyahang tiyan ug tiil.
Dugang pag butyag ni Mamalinta sa nag-ugat lang matud pa ang maong pagpamusil tungod kay nabanggaan sa biktima ang suspect nga hubog alas 11:00 sa gabie sa P. Acharon Blvd., dihang nangaon sa usa ka arozcaldohan hinungdan nga sa dihang pa uli na ang suspect gigukod niya kini ug gipusil, gisuwayan matud pa ug pugong sa kauban sa suspect nga babae ang nahisgutan apan wala kini mituo.
Pakyas man usab ang kapulisan nga makasecure ug CCTV footage sa area kung asa nahitabo ang maong pag pamusil tungod walay nakamontar nga mga CCTV sa maong area. (Dave Silagan)
