Boracay, Island — Arestado rong sambilog sa mga suspek nga nagpangdukot sa sangka Chinese national sa isla it Boracay.
Nakilaea rong suspek kay Barcelia Gonzales, 41-anyos ag taga Tondo, Manila.
Sa report it Boracay Tourist Assistance Center pinaagi kay PO2 Allan Zamora, imbestigador, nga nadakpan rong suspek matapos mapan-uhan it biktima nga may naga kuot sa anang bag ag sa anang pagtan-aw nakita na rong suspek nga ginkuot ro anang pouch ag tablet.
Insisgida nga ginpasa it suspek rong pouch sa anang mga kaibahan, ag dayon nakipag-agawan sa ro suspek it tablet sa tag-ana pero uwa raya nag madinag-on.
Natigayon nga mabawi rong pouch nga may suoed nga 10K ag mga ATM cards kamana man nadakpan rong suspek sa pag responde it mga kapulisan ag sa bulig man ko mga pumueoyo.
Sa makaron hay kulong rong suspek ag pagapasakaan it kasong Theft samtang ginausoy pa it mga kapulisan ro anang mga kaibahan nga kapin sa 11 pa.
Base sa monitoring it mga kapulisan uwa pa naka guwa sa isla it Boracay rong nasambit nga mga manakaw.
