Ginalantaw karon sang Police Regional Office sa Region 7 (Central Visayas) ang posibilidad nga may link ukon may angut sa pagpatay sang 4 ka mga pulis sa Ayungon, Negros Oriental ang tatlo ka mga lalaki nga nadakpan sa banwa sang Badian, probinsya sang Cebu.
Suno kay PRO-7 Regional Director Brig. Gen. Debold Sinas nga ini matapos nga nadakpan sadtong July 31 sang Badian Police Station ang mga suspek nga nakilala nga sanday Danny Harold Tancinco, Ronnie Herbias kag Marlon Basalo, tanan halin sa Negros Oriental.
Nagapati ang hepe sang Badian MPS nga si Lt. Revelito Tadique nga ang mga nadakpan kabahin sang mga ginasuspetsuhan nga miembro sang NPA nga amo ang nagpatay sa apat ka mga police.
Madumduman nga sadtong July 18, gin-torture antes ginpatay sang mga ginasuspetsuhan rebelding New People’s Army ang apat ka mga pulis nga sanday Cpl. Relebert Beronio, Patrolmen Raffy Callao, Roel Cabellon kag Marquino De Leon.
[image: image.png]
