Isa ka soltero nga suspek sa “basag kotse” ang nadakpan sang tanod sa akto nga nagapangawat sa naka-park nga salakyan sa Purok Fatima 1, Araneta St., Brgy. Sum-ag, Bacolod City las 5:45 kaina sang kaagahon.
Ang suspek nga natigayon nga madakpan ginkilala kay Jay-r Alayon, 28 anyos, single kag pumuluyo sang Purok KBS, Brgy. Sum-ag.
Suno sa pulis ang suspek nadakpan sang isa ka volunteer tanod nga nagbuka sang bintana sa wala nga bahin (left side) sang driver seat sang isa ka pick-up nga ginapanag-iyahan sang isa ka tenant sa malapit nga establisimento kag ginkuha ang sling bag sa sulod sini.
Pahayag sang utoridad ang sling bag may unod nga cellphone nga naga-balor 10,000 pesos, sports watch nga balor 1,500 pesos kag 7,000 pesos nga cash.
[image: image.png]
