Davao City – Priso na sa San Pedro PNP ang usa ka tricycle driver kansa suspetsado sa palugos sa 5-anyos nga bata diin nahitabo ang pagsikop pasado ala-1:00 sa kaadlawon sa Bucana Brgy. 76-A siyudad sa Davao.
Sa report gikan San Pedro PNP, ang suspect mao si Edwardo Sigundes, 41-anyos, nagpuyo sa nahisgutang lugar.
Sumala pa human nagpatabang sa Presinto Dos ang inahan sa bata human mireklamo ang iyang anak may kalabutan sa gihimo sa suspect gani daling gidispatsahan sa mga sakop sa awtoridad ug miresulta sa pagkasikop sa suspetsado.
Sa gihimong esklusibong interview sa DXDC RMN Davao ngadto sa suspect, gihimakak niini ang maong pasangil diin wala niya mahimo ang pagpanamas-tamas sa maong bata ug wala tuyoa nga nagunitan niini ang parte sa lawas sa biktima tungod usab sa kahubog niadtong tungora.
Samtang gihikay na kapolisan sa Women and Children Protection Desk sa San Pedro PNP ang kasong lugos batok sa suspect ug gikatakda nga ipasaka ang kaso sa korte karon adlawa.
RadyoMaN Don Pulayao
