General Santos City—malampusong nasikop sa operatiba sa Police Station 2 ang suspetsadong mipusil sa care Taker sa usa ka Luna sa Barangay Apopong kansa una nang gipusil alas 9:00 pasado sa buntag niadtong nakalabayng adlaw.
giila ni Police Chief Inspector Jeng Salarda, Hepe sa Police Station 2 ang nasikop nga suspek nga mao si Barok Climaco, legal age, residenti sa Barangay Apopong ning syudad kansa gitudlong suspek sa pagpamusil sa biktimang si Catalino Zonio, 57 anyos nga taga Purok Sugod, Barangay Apopong ning syudad.
Mismong ang biktima nga si Zonio maoy nagbutyag sa pangalan sa suspek nga mao matud pay mipusil kaniya samtang siya nagtindog lang daplin sa Highway nga bahin sa Barangay Apopong, atubangan mismo sa Foton Motors.
Tungod niini gilayong naghimo ug hot pursuit operation ang kapulisan ngadto sa lugar nga miresulta sa pagkasikop sa nasangpit nga suspek.
Subay sa pahayag sa mga testigo, ayha nahitabo ang pagpamusil, naglalis pa ang biktima ug ang suspek nga misangko sa pagpamusil. Komplekto sa luna maoy usa sa mga motibo nga gitutukan sa kapulisan kalabutan sa insidenti.
Nasayran nga gipasakaan nagkaso ang nasangpit nga suspek kansa balhog karon sa silda sa Police Station 2.
