South Cotabato–hingpit nang gipasakaan ug kasong frustrated murder ang mga responsableng mihimo sa pagpusil sa habal-habal driver naidtong mailabay nga semana nga si Elmo Yago nga nanimuyo sa Brgy.San Jose, Banga, Sot.Cot ang principal nga opisyal usab sa brgy. nga gikaingong nagsugo nga si Danilo Blano, ang gunman nga si Richard Tampalan ug ang driver nga si Joel Mapalad.
Pagklaro ni Police Major Joseph Forro ang labaw sa Banga MPS nga gikonsidera nilang solve na ang kaso human nga misurender sa ilahang buhatan ang principal ingon man ang gunman gumikan kay naalarma na kay ginaadtuan sa kapulisan ang panimalay niini ug pinaagi usab sa tabang sa pag-umanagkon sa principal nga usa usab ka pulis hinungdan nga nakumbinsi kining mosurender nalang.
Saysay usab ni Forro Aminado ang nahisgutang principal nga siya ang nagsugo nga ipapusil ang biktima gumikan matud sa kasuko niini tungod kay nagtuo kini nga gilumay sa biktima ang iyang anak ug naganong nakagusto kini nga edaran naman ug dunay asawa.
kahibaloan nga una nang mihatag ug pamahayag ang dirver sa gisakyan sa gunman sa kapulisan nga iya gayung nakita human sa panghitabo nga didto gi-uli ang armas sa principal nga gigamit sa pagpusil bugti ang 5 mil pesos ng bayad sa gunman.(Reynald Timario)
