Nadakpan sa mga gwardiya sa kapitolyo ang lalakeng suspek sa pagpangawat nga si Rhandy Ramoso, 20 anyos nga taga Kinoguitan, Misamis Oriental.
Matud ni Margaux Sesnorio, 46 anyos nga kasamtangang nagpuyo sa capitol grounds, nadiskobre nalang sa iyang amahan nga si Jose Sesnorio nga gikawat ang pitaka sa iyang bag nga dunay sulod 20 dollars.
Human sa maong hitabo, dali silang nagpakitabang sa mga gwardiya sa kapitolyo ug didto gilakag sa mga gwardiyang sila Elvis Abroguena, David Basadre, Anthony Rosa, Richie Castel ug Mario Hioco ang suspek ug malampuson kini nilang nasikop.
Narecover sa posisyon sa suspek ang duha ka kutsilyo lakip na ang kinawat niini nga tsinelas.
Nahitabo ang insidente ala 5 sa buntag gahapong adlawa.
Facebook Comments
