Giila sa kampo ni Mayor Oscar Moreno nga fakes news ang usa ka pahinang resolution sa Sandigabayan 2nd division nga nagmando sa pag-suspended sa mayor sulod sa 90 days.
Matud ni Atty. Dale Bryan Mordeno nga walay kamatuoran nga nag-issue sa suspension order ang Sandiganbayan batok sa mayor.
Sigon sa migawas sa social media nga si Moreno gimandoan sa Sandiganbayan niadtong May 10 nga i-suspended sa 90 days tungod sa iyang kasong Graft tungod sa rental sa mga heavy equipment sa kapitolyo sa dihang si Moreno gobernador pa sa Misamis Oriental.
Matud ni Mordeno nga sigon sa iyang obserbasyon nga ang maong suspension order, gisulat sa short band paper nga wala magsubay sa standard legal form.
Matud ni Maricel Rivera nga ang maong order, iyang nabasa sa social media human nangutana kaniya si Nef lucson.
Gibutyag ni Lucson nga ang maong documents gikan usab ni Jao Gumapac.
