Davao City – ‘No let-up, full dress campaign, no quarters asked, no quarters given, arrest them all’: Kini ang sagad sentimyento sa tawo sa hisgotanang unsaon pagpukan sa iligal nga droga sa Pilipinas.
Sa buntagong tulumanon nga ‘Straight to the Point’ sa DXDC 621 RMN Davao sa isyung ‘Narco List 2,’ mga katawhan niduso sa suhestiyon ngadto sa mga awtoridad nga i-neutralisa ang hulga sa narkotiko pinaagi sa pagpanakop sa tanang nahilambigit gagmay ug dagku.
Reaksyon kini sa katawhan sa hisgotanang ikaduha ug expanded masterlist sa mga narco politicians, druglords ug ilang mga protectors sulod ug gawas sa gobyerno.
Sa usaka diskurso, hugot nga nagbahad si Pres. Rodrigo Duterte nga dili siya magpanuko sa pag-utilisar sa tibuok pwersa sa armadong kusog haron lutoson, gyerahon ug bombahan lakip kadtong mga ‘private armies’ sa mga gitumbok nga druglords ug narco politicians kinsa natala diha sa bag-o ug ikaduhang listahan nga anaa na sa kamot sa pamuno-nasud.
Sa iyang kabahin, gisugilon ni Dr. Adrian Tamayo, executive director sa polling group Institute of Popular Opinion (IPO) sa University of Mindanao nga gumikan sa kalapad sa drug menace, angay ipatuman ang usaka komprehensibo ug total approach sa problema ug dili lamang kutob sa anti-drug operations sama sa Oplan Tokhang ug Oplan Double Barrel Reloaded.
Dugang ni Tamayo, angay natong himoong kapanaminan ang kasinatian sa mga nasud sama sa Mexico, Indonesia, Thailand ug uban pa kun gi-unsa nila sa pagdirehe sa mga programa kontra narkotiko.
Por ehemplo sa kaso sa Mexico, dili moubos sa 100,000 napatay sa dugoong kampanya gilusad sa Mexican government kontra sa Sinaloa ug uban pang gika-intapang mga drug cartels nga ni-pollute sa entero makinaryas sa kagamhanan ug nag-konvertir niini ngadto na sa pagka- ‘narco state.’
Una niini, gitumbok sa katawhan ang tulo ka mga posibleng course of action sama sa paglutos sa ugat-hinungdan sa drug trafficking, manufacture ug proliferation, pagpangita sa konkretong mga programang panginabuhian ug ang pagtratar sa droga nga dili lamang usaka law enforcement issue kon dili usa usab ka medical, mental ug psychological dilemma hinungdan sa ‘whole of government’ ug total approach versus illegal drugs ubos sa konseptong harm reduction campaign.
Kahinumdoman nga niadtong Agosto 1986, unang gibatbat in public sa presidente ang gigunitan niini nga drug matrix. Sa maong talaan, tulo na ka mga mayor nakabsan sa kinabuhi: Sila si Datu Saudi Ampatuan municipal mayor Samsudin Dimaukom, Albuera Leyte Mayor Rolando Espinosa ug Ozamiz City Mayor Rolando ‘Aldong’ Parojinog.
Kasamang June Duterte
