Syudad sa Pagadian padayon nga nag-zero case sa COVID-19

21
Pagadian City – Padayon nga nag-zero case ang syudad sa Pagadian sa mananakod nga virus nga mao ang Covid-19 subay kini sa gipagula nga impormasyon sa Pagadian City Emergency Operations Center (EOC) kagahapong adlawa April 4, 2022.
Base sa maong impormasyon, wala nay nakarekober kagahapong adlawa, ug wala na usa’y natala nga patay.
Una nang gibutyag ni EOC Executive Officer Audrey Basas-Cabato nga gipahibalo sila sa Provincial Department of Health Office (PDHO) nga zero case na ang syudad kung diin mao kini usa sa mga gamonitor sa testing of specimen sa Zamboanga del Sur Molecular Laboratory.
Padayon gihapon nga giawhag ang matag-usa nga magmainampingon aron dili mataptan sa virus gumikan kay gipailalom gihapon sa Alert Level 2 ang probinsya sa Zamboanga del Sur sugud Abril 1 ngadto na sa petsa 15 ning maong bulan base sa gipagula nga datus sa IATF.
Facebook Comments