Syudad sang Cadiz may bag-o nga protocol sa maga kadto ilabi na kun halin sa syudad sang Bacolod

33

Nagpagwa si Cadiz City Mayor Salvador Escalante Jr. sang Executive Order No. SGE-035-2020 nga nagabutang sang health and border protocol sa tanan nga taga-Bacolod nga magasulod sa syudad sang Cadiz.


Nabutang sa mandu nga tanan nga Cadiznon halin sa Bacolod kag iban pa nga high risk areas sa Negros Occidental ang dapat magpaidalum sa mandatory nga 14-day home quarantine except sa mga Authorized Person Outside Residence (APOR).

Sin-o man nga magbatyag sang sintoma samtang nga naka-home quarantine ang kinahanglan nga i-transfer sa Healing Center sa Barangay Tinampa-an ukon sa Cadiz District Hospital para ipaidalum sa RT-PCR test.

Ang mga Cadiznon naman nga nagatrabaho sa business process outsourcing (BPO) companies sa Bacolod nga may kaso sang COVID-19 kaangay sang Panasiatic Solutions, Ubiquity Global kag Concentrix, ang kinahanglan man nga magpaidalum sa RT-PCR test sa oras nga magbalik ang mga ini sa Cadiz.

Kinahanglan man nga mag-coordinate sa inyo barangay, midwives ukon barangay health worker ang tanan nga nagaplano nga magsulod sa Cadiz.

Dugang pa sang EO nga ang tanan nga Cadiznon nga magapadulong sa Bacolod kag indi magtinir sang masobra tatlo ka adlaw ang indi pagkabigon nga persons under monitoring (PUM).

[image: image.png]
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments