Tabang sa KBP Zamboanga del Sur, gikalipay sa mga benepesyaryo nga mga Person with Dis-ability (PWD)

21
Pagadian City – Kasadya ang makita sa mga panagway Person with Dis-ability (PWD), human kini ang nidawat sa mga hinabang nga gipaambit sa mga aktibong membro Kapisanan ng mga Brodkaster ng Pilipinas (KBP), Zamboanga del Sur chapter nga gipanguluhan ni RMN DXPR ug IFM Manager sir Melchor Coronel.
Nikabat sa 20 ka mga benepisyaryo sa PWD nga membro sa Tender Touch ang nidawat sa ayuda nga sama sa mga balde, bugas mga sardinas ug uban pang mga groceries.
Gidawat sa mga benepisyaryo ang mga hinabang kagahapon sa alas 2 sa hapon sa Our Lady of Pepetual Chapel nga nahimutang sa Barangay Santa Maria ning dakbayan sa Pagadian.
Gipaabot usab sa nangulo sa maong grupo nga si Lorenzo Ememency ang ilang dakong pasalamat ngadto sa grupo sa KBP Zamboanga del Sur chapter pinaagi sa pag-awit agig pasalamat sa ilang mga gasa nga nadawat.
Ang Kapisanan ng mga Brodkaster ng Pilipinas (KBP), Zamboanga del Sur chapter gilangkuban sa tanang AM ug FM station sa probinsya nga naumol aron sa paghatag og tinuuray nga pag-alagad sa katawhan nga nagkalisod gumikan sa gisagubang nga pandemya.



Facebook Comments