Kakulop nga adlaw, ginbisita ni SGLG national validator Don Manuelo Patrimonio, DILG Leyte Provincial Director Annabelle De Asis ngan Roma Demete, DILG Leyte Cluster Head an mao nga bungto agud magdumara hin validation ugsa maihatag an prestihiliyoso nga award.
Sumala kan Tabon Tabon Mayor Efren Redoña, hiya in nagtutuo nga an ira bungto in nagsunod han tanan nga assessment criteria sugad han Financial Administration and Sustainability; Disaster Preparedness; Social Protection and Sensitivity ngan iba pa.
“The SGLG law serves as the bible of all LGUs, if you can not comply the areas of governance meaning you lack the sincerity to serve your constituents,” siring ni Redoña.
Subay man gud han provincial ngan regional level validation, an Tabon Tabon Leyte in gintawag nga ‘clean passer’ ha mao nga award ngan hira in usa ha unom nga mga municipalidad ha probinsya han Leyte an nakaabot ha national validation level.
“During the national calibration conducted in Manila as far as province of Tabon Tabon is concern, only Tabon Tabon is the clear passer of the SGLG ,” dugang pa ni Redoña.
Han nakalabay nga mga tuig, permi lakip an mao nga bungto nga natagan hin Seal of Good Financial Housekeeping award tikang ha DILG.
Ine naman an pinakasyahan nga higayon nga nakaabot an Tabon Tabon ha national level validation han SGLG tikang han panlingkod ni Mayor Redoña.
An SGLG in usa nga prestihiyo nga pasidungog han DILG nga ginhahatag ha mga LGUs nga nagpakita hin maupay ngan innovative nga local governance practices.
Ha bug-os nga Eastern Visayas, 41 nga mga LGUs an ginpapailarom yana ha National Validation tikang Sept 19-Sept 22, 2023.
