Wala maka-ipsot sa kamot sa kapolisan sa Bukidnon, ang usa ka lalaki, nga nagbaton sa klasi-klasing matang sa pusil.
Si Camp Alagar spokesman, supt. Lemuel Gonda, mipa-ila sa maong suspect, nga si Mendrado Nailga, 55 years old, ug tag-iya sa Nailga security Agency.
Matud ni Gonda, nga bandang 12 noon kagahapon Feb. 15, si Nailga, gidakop sa Join Operative sa Bukidnon Drug Enforcement Unit, PNP SAF ug kapolisan sa Maramag Municipal Station, didto sa Purok 6, Panadtalan sa Lungsod sa Maramag Bukidnon.
Matud ni Gonda nga gidakop sa mga police ang maong suspect, pinasikad sa search and seizure warrant, no. 8-18., tungod sa iyang pagbaton sa la-in la-ing klasi sa armas de puego.
Narecover atol sa maong search operation, gikan sa poder ni Nailga ang lima ka Home made short Barrel Shotgun, 1 Cal. 9mm pistol, nga loaded sa usa ka Magazine ug siyam ka bala, 1 ka gauge Rock Island Shotgun, loaded sa live ammunition, lima ka home made Magazine for Shotgun, ug 20 ka basiyo, sa Cal. 9mm pistol, ug 1 ka set sa metal Marker.
Matud ni Gonda nga ang maong suspect, gi-detain karon sa Maramag police station alang sa dugang action of deposition.
