Kalibo, Aklan — Nagparekord sa Kalibo PNP rong sangka taga limpyo it CR sa Kalibo Pastrana Park matapos nga raya ginhana nga bun-on kaina it udtro adlaw.
Rong biktima nakilaea kay Jimmy Golenia, 49-anyos ag taga barangay Andagao, Kalibo.
Suno kana nga rayang uwa makilaeang suspek hay nagsueod para nga mag CR ag tag idto eon imaw sa cubicle hay may nagsueod man nga bag-o ag ginkatok ro anang cubicle.
Pag guwa nana hay anang ginkompronta si Golenia bag-o eang man nga abot nag bakae it tissue paper kung sa siin ana ta rayang hasae-an nga imaw ro nagkatok ag naghambae nga “Pamun-on ta mana kamo riya, ano mana ro inyo iyang ginabantayan kwarta? sayran nyo mana nga may tawo ag nagabawas inyong ginakinatok”.
Nagpamalibad si Golenia sa suspek nga uwa ta imaw kasayod ay bag-ong abot ugaling ginhana ra imaw nga bun-on rason nga nagpangayo it bulig sa kapulisan.
Ro diskripsyon ko nasambit nga eaeaki hay magueang, maniwang, may peklat sa batiis, naga bisekleta ag permi man naga gamit it CR una.
Padayon pa makaron rong imbestigasyon it Kalibo PNP angot sa nasambit nga insidente.
