General Santos City–dismayado si Tampakan Mayor Leonardo Escobillo Sr. sa gihimong ronda sa kapulisan ngadto sa iyang panimalay ug sa balay sa iyang anak nga si Leonardo Escobillo Jr. kagahapong adlawa.
Sumala sa mayor nga siya dugay na sa serbisyo isip mayor ug siya nagtrabaho ug sakto alang sa katawhan, apan siya natingala nga gi-raid sa kapulisan nga sakop sa Regional Drug Enforcement Unit (RDEU) ang iyang balay.
Gikadismaya usab ni Mayor Escobillo ang pamaagi sa pagsulod sa kapulisan sa ilang balay tungod dawsa sama sila sa criminal. Giguba matud pa sa raiding team ang ilang pultahan ug uban pang gamit. Ubay ni Escobillo nga unta sila giestorya ug tarong tungod andam man silang ipaukay ang ilang panimalay tungod wala man silay gitaguan.
samtang nagtuo si Escobillo nga dunay bahid pulitika ang pag ronda sa ilang panimalay ug gani iyang gibasol sa nagpaluyo niini ang pagkaguba sa ilang pangalan. Nasayran nga gisikop ang anak sa mayor human nga nakuhaan kinig pusil nga expired ang mga lisensya.
