BACOLOD CITY – Ginapa-alerto sa karon ang tanan nga mga detachment sa probinsya sang Negros Occidental angut sa posible pagpang-atake sang New People’s Army may kaangtanan sa ila pagsaulog sang ila anibersaryo sini nga bulan.
Suno kay Philippine Army Western Visayas 3rd Infantry Division chief, Brig. General Dino Dolina na ginmandu na niya ang pag-alerto agud wala sang may matabo nga pag-atake sang mga miembro sang CPP/NPA.
Ginpahayag ni Dolina nga nakabaton mismo sang impormasyon ang military nga may posible himuon nga pagpang-atake ang mga rebelde ilabi na kay ila karon ginasaulog ang ika-50 nga anibersaryo sini.
Damlag pa, nagpagwa sang listahan ang mga opisyal sang militar sang mga lugar nga posible paga-atakihon sang NPA kag nalakip diri ang probinsya sang Negros Occidental.
Sang Disyembre 26, isa naman ka hublag protesta ang ginpatigayon sang mga anay katapo sang NPA sa diin nagtipon tipon sila diri sa NOMPAC Gym.
Sa amu nga hilikuton ila ginkondenar ang ginahimo sang mga rebelde kaangay sang pagpamatay sa mga sibilyan, extortion kag pagpanghalit sa mga propedad.
Para sa ila dapat tapuson na ang lima ka dekada nga away nga wala naman sang pasinadtuan./dyHB BACOLOD
