Boracay Island- Padayon nga naga-inspeksyon do mga taga Bulabog Task Force ko mga drainage system sa isla it Boracay para matapna ro mga illegal connector kara.
Sa pagpahayag ni LGU-Malay Executive Assistant IV Rowen Aguirre , do dayang operasyon ko nasambit nga task force hay nag-umpisa pa ko buean it July base man sa mando ni Mayor Ciceron Cawaling.
Do daya nga task force hay ging himo bangud nga apektado eon do tubi it Bulabog beach dahil sa mga illegal connector nga naga konekta ko anda nga kitchen waste pati pa do halin mismo sa andang mga banyo paagto sa drainage system nga naga diritso paagto sa Bulabog.
Sa makaron buoeligan sanda nga maayos do daya nga problema kung sa siin ro mga ilegal nga nadakpan nga establisyemento hay ging taw-an eon it naga kaigo nga penalidad.
Suno kay Aguirre dapat nga rain water eat-a ro gina saeap it drainage ag bukon it mga higko nga halin sa establisyemento nga naga apekto ko kalidad it tubi sa lugar.
Nasayuran nga ro mga pagbaha sa ibang lugar sa isla hay bangod man sa mga drainage system nga uwa gihapon natapos do pagkonekta nga proyekto ko TIEZA.
Do pagbukas ko mga drainage sa Boracay hay bueoligan nga gina himo ko mga concern agencies kaibahan eon do mga taga DENR agod masayran kung may una pa nga mga residential o establishment nga illegal nga naga-konekta kara.
