Gintiro patay sang isa ka 8-anyos nga bata nga lalaki ang iya 39-anyos nga amay may mga las 8:30 kagab-i sa Brgy. San Jose, Sipalay City.
Sa initial investigation sang Sipalay City Police Station base sa pahayag sang mga utod sang bata, ini siya ang naakig sa iya amay matapos nga ini siya ang gin-akigan, ginsipa kag naigo sa iya guya.
Bangud sang hitabo, ginpahayag sang mga utod nga ginkuha sang bata ang .38 calibre nga armas sang ila amay kag gintiro ini sang makapila ka beses nga amo ang gintunaan sang iya gilayon nga kamatayon.
Suno sa pa sa imbestigasyon sang Sipalay CPS nagsiling ang mga kabataan nga masami ginasakit sang amay ang amo nga bata kag ginatudlaan man niya ini mag gamit sang armas kag naka-inom ini sang natabo ang insidente.
Nahibaluan nga ang amo nga 8 anyos nga bata ang kamanghuran nga anak sang biktima sa 3 niya ka mga bata kon diin ang asawa sini ang nagatrabaho sa Manila.
Sa karon ginahulat pa sang Sipalay PNP ang resulta sang post mortem sa bangkay sang biktima apesar ginsiling nga ini ang nag angkon sang tatlo ka igo sa iya dughan.
[image: image.png]
