KALIBO, AKLAN — Tatlo ka mga banwa sa probinsya it Aklan rong kandidato para nga i-deklara nga drug free.
Raya rong ginpahayag ni PCINSP. Reynante Jomocan it Provincial Community Relations Branch (PCRB) sa pakikipag-angot it RMN DYKR Kalibo.
Suno kana raya nga mga banwa hay rong banwa it Libacao, Buruanga ag Madalag.
Pero suno kana raya nga mga banwa hay maga agi sa maid-id nga monitoring ag validation pa gid.
Sa ginpatigahyon kahapon nga Orientation it Philippine Drug Enforcement Agency (PDEA) angot sa Drug Clearing Operations nga gin atenderan it halin sa Provincial ag Municipal level hay nasayuran nga may mga parameters man nga dapat sundon.
Dugang pa gid ni Jomocan nga base man sa ginapatigayon nga series of meetings sa national office hay nakahimo it resolution nga dapat gid may una nga declaration it affected ag unaffected nga mga banwa or barangay.
Sa Aklan may una nga 70 hasta 80 porsyento eon nga pwede ideklara pero may mga series pa gid it monitoring ag validation rong ginapatigayon.
