BACOLOD CITY – Tatlo na naman ka mga “inosente” nga kalalakin-an ang na-intuan sang isa ka bugaw kag mga ‘chick’ sa Bacolod City Public Plaza may mga las 8 kagab-i.
Ang isa, 21 anyos ang edad, tumandok sang Davao del Sur, may isa man nga tumandok sang Guihulngan City, Negros Oriental kag ang 18 anyos nga taga-Bohol.
Suno sa tatlo, nagkadto sila sa plaza kag nag-transaction sa bugaw nga nagpakilala lang kay Ramel.
Antes ginhatagan sang babayi, ginpangayuan sila ni Ramel sang P2,500 pesos nga ila man gilayon ginhatag.
Sang nakuha na ang kwarta, naglisensya ang mga babayi nga malakat anay agud magkuha sang tu-alya samtang ang bugaw nagsiling nga malakat man anay kay makuha sang shampoo.
Apang naglab-ot na sa 30 minutos ang hulat sang tatlo, wala gid nakabalik ang mga babayi kag bugaw rason nga nagdagon-dagon na lamang sa Police Station 1 ang tatlo agud magpa-blotter./dyHB BACOLOD
