Kalibo, Aklan – Tatlo ka mga wanted persons rong natigayon nga maaresto it mga kapulisan sa nagakaeain-eain nga kaso kabii.
Una nga naaresto sanday Mark Anthony Tambadoc Dela Cruz,24-anyos it New Buswang ag Niño Reynaldo Dela Rosa, 21-anyos it C. Laserna St., Kalibo.
Gin aresto si Tambadok sa Brgy. Pook samtang si Dela Rosa hay sa Poblacion Kalibo pinaagi sa bisa kung warrant of arrest nga may Criminal Case No. 14984 sa kasong Robbery.
Nagtaeana rong korte it P 48,000.00 nga pyansa kada isaea para sa andang temporaryong kahilwayan.
Natigayon man nga maaresto si Lyndon Cahilig Zapico, 19-anyos it Brgy. Navitas, Malinao.
Gin aresto si Zapico it mga kapulisan sa Poblacion Kalibo pinaagi sa bisa kung warrant of arrest nga may Criminal Case No. 14939 ag 14940 sa kasong Slight Physical Injury.
Nagtaeana man rong korte it pyansa nga P 2,000.00 para sa anang temporaryong kahilwayan.
Ro nasambit nga mga akusado hay detained sa lock up cell it Kalibo PNP ag nakataeana nga iga turn over sa korteng natungdan.
