Davao City- Gipahibalo sa lokal nga panggamhanan sa Davao sa tanang inbound International passengers padulong og Davao International Airport nga kinahanglang i-comply ang tanang quarantine requirements gikan sa ilang point of entry.
Gibutyag ni Generose Tecson, City Tourism Operations Office chief, subay sa Inter-Agency Task Force for the Management of Emerging Infectious Diseases (IATF), kinahanglang mopailawom sa 14 days quarantine ang mga pasahero, 10 days sa facility ug sa ikapito ka adlaw kinahanglang ipailawom sa RT-PCR test.
Nagpahimangno si Tecson sa mga pasahero nga mokuha og certificate gikan sa Bureau of Quarantine ug tiwason ang nahibiling upat ka adlaw nga quarantine sa ilang panimalay.
“Here in Davao actually the past few weeks iyon po ang napansin natin na may mga BOQ clearances na 6 days lang, 5 days lalo na pag galing sa Cebu 3 days, 4 days. Kaya ang ginagawa natin hino-hold natin at nilalagay sa facility,” sumala niini,
Gibutyag niini, 12 ka mga pasahero ang na-hold sa airport human wala motuman sa 10 days nga quarantine ug kasamtangang nabutang karon sa facility.
Gitataw usab ni Tecson, ang mga pasahero na ang mogasto para sa ilang quarantine sa hotel ug RT-PCR test.
RadyoMaN Aimee Guinita
