Pagadian City – Nagbakho pa nga naabtan sa RMN Newsteam ang misis ug mga anak ni ni Technical Education and Skills Development Authority Regional Director Engr. Edgar Sales sa purenarya sa syudad sa Pagadian.
Sa edad nga 59, nakabsan sa hinulaman nga kinabuhi si Sales sulod sa iyang girentahan nga kwarto sa Our Lady of Triumph School sakop sa Barangay Balangasan, Pagadian City.
Sa ulahing resulta sa gilusad nga Post mortem Examination niingon si Dr. Arnel Lerias sa Pagadian City Health Office nga Cardiac Respiratory Arrest ang gikamatyan sa maong regional director.
Nagmagul-anon ang tibuok pamilya sa TESDA 9 gumikan sa kalit nga hitabo gani nasayran sa RMN nga giuktaba ang ilang gikatakda na unta nga Year End Assessment ug Christmas Party karung adlawa.
