Nagpahimangno karon ang National Telecommunications Commission kon NTC region 10 sa publiko, nga magbinantayun sa nagkalain-laing modus pagpangilad sa text, o kining gitawag nga teks scam.
Sa interview sa dxCC-RMN Cagayan de Oro, gibutyag ni JM Pacuribot ang Public Information Officer sa NTC region 10 nga adunay tulo ka klase sa tekscam ug kini naglangkob sa Panalo promo, kamag-anak/kaibigan pa load teks scam, ug pasa/nakaw load teks scam.
Sa Panalo promo= mao ning scam nga adunay mangayo sa imong personal nga impormasyon og load kung kinahanglan, ug mangayog kwarta para processing fee pinaagi sa money transfer.
Sa kamag-anak/kaibigan pa load teks scam- kini ang scam nga magpaila nga imong paryente o barkada, ug magpahibalo nga sila na aksidente o nay problema ug nangkinahanglan sila og kwarta o load.
Samtang sa pasa/nakaw- o load text scam- kini ang scam nga nga mag-offer ug discounts o promo.
Ipa type ang imong 11 digit number, amount sa discount ug ipa send sa maong number.
Samtang buot karon sa National Telecommunication Commission kon NTC region 10 nga kung makadawat og mga teks gikan sa tulo ka klase sa teks scam dili kini angayan nga tagaan og pagtagad.
Matud ni Engr. Vixter Abaday sa NTC-10 nga mahimo kini nga i-report sa ilang opisina, nga nahimutang sa Barangay Kauswagan ning dakbayan.
Dugang pa ni Abaday nga mahimo usab nga motawag sa 858-48-00 o kaha sa cellphone number- 0906-348-2608- o mag-email sa region10ntc@yahoo.com .
