Tagdumog sa liboan ka mga Surigaonon sanan bisita an tinuig na Light Up a Tree Ceremonial Switch On sako kuman gabii atubangan aa may Surigao City Hall sa pagpanguyo ni City Mayor Ernesto Matugas sanan sa ija kapikas,First Lady Inday Matugas,mga konsehal sa syudad sanan mga department heads.Tagsaksihan isab ini ni former Congressman Francisco Matugas sanan mga bisita gikan sa nagkalain laing organisasyon. Sa ika kinse na tuig kuman sa Ceremonial Switch On isa ka puti na Giant Christmas Tree an makit an lakip à n napuno na christmas lights og lanterns sa palibot sanan atubangan nan Surigao City Hall. Dugang isab na attraction amu an nagpalibot nan mga christmas lights sa mga punoan nan kahoy sa luneta park.Matag tuig nagkadaghan an mga donors sanan sponsors sà mga decorasyon sa pasko na taghatag sa gobyerno sa syudad gikan sa mga dagko na kompanya, negosyante sanan organisasyon.Tagpasalamatan isab sa Sr. Supervising Tourism Officer Roselyn Merlin an nanguyo sa pagplastar sa amu na mga decorasyon sa pasko an tanan labina an mga donors sanan sponsors sa matag tuig na kalihokan.
