Gi-assess pa sa Department of Social Welfare and Development (DSWD) kung angayan ba’ng tagaan ug ayuda ang mga lumad nga bakwit sa brgy. Diatagon, Lianga, Surigao del Sur human nag-request ug dugang tabang ang local nga kagamhanan sa nasangpit nga lungsod. Sigun ni Eunice Plaza, information officer sa DSWD Caraga nga wala pa nila gisanong ang hangyud sa LGU Lianga tungod kay gihimu pa ang assessment didto sa central office kung kwalipikado ba ang mga bakwit nga matagaan ug ayuda sa goberno.
Gipasabot niya nga motabang lamang ang DSWD sa mga bakwit nga nabiktima sa natural ug man made nga kalamidad diin dili maisip nga man-made calamity ang nahitabu sa Lianga tungod kay walay natigayung engkwentro tali sa rebelding NPA ug AFP sa lugar.
Hinoon giklaru sa opisyal nga dili nila mapugngan ang LGU kung mohatag ug hinabang tungod sa gahum sa local autonomy.
Sent from my Samsung Galaxy smartphone.
