Usa ka tomboy ang nisulay og pagpakamatay kaganihang kadlawon sa JR Borja Bridge ning syudad sa Cagayan de Oro.
Kini human nisaka sa maong tulay ug nagsinggit singgit busa nagtoo ang katawhan nga moambak kini.
Dali usab nga niresponde ang taga City Disaster Risk Reduction and Management Office ug Cagayan de Oro City Police Office busa napakanaog ang maong tomboy.
Nasayran nga selos ang rason sa maong tomboy busa kini nisaka sa tulay.
Kini human nakita sa iyang igsoon ang nobya sa maong tomboy nga kauban ang kanhi uyab.
Matud sa nobya sa tomboy nga nailang si Jay-an nga usa ka bulan nang dili maayo ang ilang relasyon tungod sa pagka seloso niini ug pagpanakit kaniya.
Facebook Comments
