Gibalhog na karon sa prisuhan ang gikonsiderang Top 1 Most Wanted Person sa probinsya sa Bukidnon sa kasong Murder kon Pagpatay human nasikop sa operasyong gipahigayon sa mga tinugyanan sa balaod pasado alas 6:08, Sabado sa gabie didto sa Purok-5, Sitio Tandingon, Talisayan, Misamis Oriental.
Gipangunahan sa mga personahe sa Malaybalay City Police Station inabagan sa ubang mga operatiba nga sakop sa Rehiyon-X ang maong operasyon nga miresulta sa pagkasikop ni Alton Alimocon, 25 anyos, minyo, laborer, ug residente sa Purok-1, Barangay Can-ayan, Malaybalay City, Bukidnon.
Si Alimocon ang nadakpan basi sa gahom sa warrant of arrest nga gi-issue ni Wilfredo G. Bibera Jr., Presiding Judge, Regional Trial Court, 10th Judicial Region, Branch 46, Malaybalay City, pinitsahan Marso 11, 2022 nga walay girekomendang piyansa alang sa temporaryong kagawasan.
Anaa na sa kustodiya sa Malaybalay City Police Station ang suspetsado alang sa tokmang disposasyon.
Facebook Comments
