Davao City – Sikop sa buy bust operation sa mga operative sa Sta. Ana Police Station, ang usa ka Top 3 City Level High Value Individual nga si Juneshune Racoma, alias “Junie”, 44 anyos, taga Purok 8, Brgy. Manay, Panabo City, Davao Del Norte.
Sa report gikan sa Presinto Uno (Sta.Ana PS), napalitan ang suspek ug usa ka pakete nga shabu kambiyo ang 1,000 pesos nga buy bust money nga miresulta sa pagkasikop niini.
Narekober sa suspek, ang usa ka big size rectangular heat-sealed plastic sachet nga gituohang shabu nga motimbang og 5.8 grams, adunay estimated street value P92,800, usa ka unit nga single motorcycle ug usa ka cellphone.
Kalapasan sa RA 9165 Comprehensive Dangerous Drugs Act of 2002 ang i-kaso sa dinakpan.
RadyoMaN Don Pulayao
Facebook Comments
