Gihikyad sa bag-ong commander sa 403rd Infantry Brigade, Philippine Army ang mga nag-unang prayoridad sa iyang paglingkod sa mao nga posisyon.
Matud ni Col. Ferdinand Barandon nga usa sa mga prayoridad niya mao ang pagpadayon sa kampanya batok sa Communist Party of the Philippine – New Peoples Army kon NPA.
Ikaduha, pakusgan pa ang depensa sa mga pasilidad ug vital installations.
Gipasabot niya nga kinahanglang wala nay mahitabong pagpang-atake ug pagpangharas sa NPA sa mga major roads ug routes.
Ug ang ikatulo mao nga kinahanglan andam sila kanunay sa mga non-traditional functions sama sa pagpangandam kung adunay kalamidad.
Bisan pa man talagsa lang ang mga kalamidad sa rehiyon 10 , kinahanglan pa gihapon nga andam sa mga natural o kaha man made nga kalamidad.
Ang maong tulo ka mga prayoridad mao usay ang mando ni 4th ID Commander MGen. Franco Gacal.
