Sikop sa gihimong buy bust operation sa Purok 7, Tambo, Hinaplanon, Iligan City ang Top 6 target listed drug personality sa maong siyudad.
Ang maong operasyon giunhan ni PDEA Director Wilkins Villanueva uban ang Provincial Special Enforcement Team sa Lanao del Norte, kapolisan sa Lanao ug Iligan City nga gihimo niadtong Pebrero 23 adlawng Sabado sa Drug den nga gipanag-iyahan ni Roy Anchez Lonoy.
Ang mga dinakpan mao silang Roy Anchez Lonoy kinsa top 6 sa Iligan City drug watchlist, Nashief Buale Manalao, Dharryl Alumbro, Robert Anchez Lonoy, Julia Ann Reyes Bansag, Lea Ramirez ug Matteo Yerro Go.
Nakuha sa ilang posisyon ang 13 ka sachet sa shabu nga nagtimbang sa 40 grams nga gibana-banang nagkantidad sa 272 mil pesos, assorted paraphernalia ug ang 500 pesos nga buy bust money.
Ang mga ebidensyang nakuha gidala na sa PDEA Regional Laboratory Office alang sa qualitative and quantitative examination ug ang mga dinakpan gi detain na sa PDEA-10 detention cell samtang giandam pa ang kasong paglapas sa Republic Act 9165 o Comprehensive Dangerous Drugs Act of 2002.
