Kalibo, Aklan — Arestado it mga otoridad rong ginakabig nga Top 7 most wanted sa banwa it Banga kaina it mga alas 6:30 rong agahon sa A. Bonifacio St., Blumentrit, Manila.
Rong suspek nakilaea kay Arnold Reposar Romaquin, 38-anyos, electrician ag native it Brgy. Cupang, Banga, Aklan.
Naaresto si Romaquin ko mga taga Aklan PPO Trackers Team, Bangan MPS, Southern CIDG, 605th MARPSTA ag PIS pinaagi sa bisa kung Warrant of Arrest nga may Criminal Case No. 8086 sa kasong Frustrated Homicide nga gin isaue ni Hon. Elmo F. Del Rosario, Presiding Judge, RTC 6, Branch 5 Kalibo, Aklan nga may petsang Marso 1, 2007.
Nagtaeana rong korte it P 24,000.00 nga pyansa para sa anang temporaryong kahilwayan.
Nakataeana man nga iga turn over sa korteng natungdan dong akusado.
(c) owner
