General Santos City–Sikop sa Operatiba sa Philippine Drug Enforcement Agency (PDEA) Regional Office XII – Sarangani Provincial Office uban ang kapulisan sa Sarangani ang top 7 provincial Target Listed peronality ug ang kaubanan niini sa gilusad nga operasyon sa may Purok 1, Sitio Basak, Brgy. Malandag, Malungon, Sarangani Province.
Ang dinakpan giila nga si Alvin Loui Llaneza Alias Loloy, 30, ulitawo, construction worker, residente sa maong lugar ug Jory Palec Alias Jojo, 33, minyo, residente sa Sitio Alcantara, Brgy. Datal Tampal, Malungon, Sarangani Province.
Nasikop ang mga nasampit human silang napalitan ug pinaugang dahon sa marijuana gamit sa awtoridad ang P200.00 nga buy-bust money.
Samtang laing lima ka nilikit nga white paper nga may sulod nga pinaugang marijuana kansa gibutang sa box sa cell phone ang nakumpiska gikan sa mga suspek. ang nakumpiskang droga gikan sa suspek gibana-banaang anaa sa (5) ka gramos nga gibana-banaang nagkantidad ug P 600.00.
Kasong kalapasan sa Section 5 ug 11, sa Article II sa Republic Act 9165 ang gipasan-at batok sa mga dinakpan.
