*Naguilian, Isabela*- Bagsak na sa kulungan ang itinuturing na Top 8 Most Wanted Person sa bayan ng Naguilian, Isabela matapos isilbi ang warrant of arrest nito sa Brgy, Sunlife ng nasabing bayan.
Kinilala ang akusado na si Jordan Manuel alyas Building, nasa hustong gulang at residente rin ng nabanggit na lugar.
Nahuli si Manuel sa bisa ng mandamiento de aresto na ipinalabas ng RTC Branch 18, Ilagan City, Isabela dahil sa dalawang kaso nito na Frustrated Homicide at Attempted Rape.
May inirekomendang piyansa ang korte na halagang P192,000.00 para sa pansamantalang kalayaan ng akusado.
Nasa pangangalaga na ng pulisya ang akusado para sa kaukulang dokumentasyon bago ipasakamay sa kanyang court of origin.
Facebook Comments
