Himas na karon sa balay bilangguan ang usa ka pinangita sa balaod human kini nadakpan sa gihimong operasyon sa mga tinugyanan sa balaod didto sa Barangay Suhaile Arabi sakop sa lungsod sa Siocon.
Ang maong dinakpan mao si Benhar Salahuddin y Ontong, 29 anyos residente kini sa nahisgutan nga lugar.
Si Benhar giila kini sa lungsod sa Siocon nga Top 7 most wanted person may kalabot sa guinadiling droga nga iyang gikalambigitan.
Kahinumduman, una na kining mitahan sa iyang kaugalingon Siocon MPS niadtong Hulyo 8, 2016 nga nailang drug user atol kini sa gihimong Oplan Tokhang.
Nasikop kini siya pinasikad sa warrant of arrest adunay Cc no. 2018-01-05(1603) sa paglapas sa Sec. 5 R.A 9165, walay pyansa nga girekomendar ang korte sa maong dinakpan.
Una naman nga gihingusgan ang kampanya batok droga sa lungsod sa Siocon sa pagpangulo sa ilang hepe nga si Pocholo Guerero aron sa ingon hingpit na gayud nga ma papas ang droga sa ilang lugar nga maoy ugat hinungdan sa nagkadaiyang krimen sa lungsod sa Siocon.
