Davao City- Usa patay samtang kapin 20 samaran sa pagkarambola sa tulo ka mga sakyanan sa Central 1 Brgy. Binugao, Toril, Davao City bandang alas 7:30 kagabii.
Sa report sa Toril PNP, nabanggaan matud pa sa SUV ang usa ka single motorsiklo ug sa kakusog sa impact gidaro ug nabangaan ang usa ka pick up resulta sa pagkamatay sa driver sa motorsiklo nga usa ka Edverlyn Lerios nga deklaradong patay sa ospital alas 9 kagabii samtang kritikal gihapon ang kahimtang sa angkas niini nga si Fe Malazarte.
Sumala pa ang pick up nga gimaneho ni Ambet Beja Gutierez, taga Phil.Durian St.Juliville Buhangin, Davao City, naglawig kini gikan sa siyudad sa Davao pauli sa dakbayan sa Digos samtang ang SUV nga gimanihuan ni Acmad Borngawan Sarico nagbyahe paingon sa Davao gikan sa Cotabato City apan pag-abot sa maong lugar nabangaan ang maong single motorcycle.
Giila ang mga naangol nga sila Ronavic Obod Gutierres, 32 anyos taga Phase 3, Talakitok Dawis Digos City, Acila Anor Lubico, 47 anyos. nagpuyo sa Aplaya Digos City, Aubeth Beja Gutierrez, 42 anyos taga Dawis Digos City, Teofila Domanig Obod, 69 anyos nagpuyo sa Christian Village Aplaya Digos City, alyas Ann, 5 anyos nagpuyo sa Dawis Digos City, alyas Yah, 4 anyos taga Bongolayon Magpet Cotabato City, alyas Mary, 11 anyos taga Brgy 23-C Mini Forest Davao City, Jay Mar Baltazar, 31 anyos nagpuyo sa Rosalina Village 3 Baliok Talomo District Davao City, alyas joy, 8 anyos taga Brgy 23-C Mini forest ning dakbayan, alyas Nicole, 9 anyos, taga Purok 3 Dawis Digos city, Acmad Sarico, 57 anyos taga Parang Maguindanao ang driver ug laing pang 9 pareho nagpuyo Mini Forest Boulevard Brgy 23-C mao sila alyas Man, 15 anyos,S anima Sarico, 45 anyos, Ferdous Ali Damiano, 28 anyos, alyas Nene, 11 anyos, Omaya Damiano, 28 anyos, Usop Sarico, 48 anyos, Movinah Sarico, 49 anyos, ug usa ka alyas Fam, 6 anyos.
Padayon usab giimbestigahan sa kapulisan ang maong insidente ug ginatambalan pa mga biktima sa Southern Philippines Medical Center kun SPMC.
RadyoMaN Don Pulayao
