Panay, Capiz- Gintupok sang kalayo ang duha ka mga poluy-an sa Brgy. Buntod Panay.
Totally burn ang balay nga ginapanag-iyahan sang mag-utod nga sanday Rolando, 47-anyos kag Ronnie Ubal, 37-anyos sang nasambitan nga lugar.
Ginapahayag nga naghalin ang pag-ibwal sang kalayo sa poluy-an ni Rolando kag gilayon nga naglaton sa balay sang utod sini nga si Ronnie Ubal.
Nahibaloan nga himo sa halo nga light materials ang poluy-an sang mag-utod kag bangod sa tuman nga kainiton sang panahon ini ang insigida nga gintupok sang kalayo. Samtang wala man gilayon makaresponder ang mga firetrucks sang BFP bangud wala insigida maka-agi sa tulay sa Brgy. Bunga Panay.
Ginabanta naman nga nagalab-ot sa P450, 000 pesos ang kahalitan sang amo nga sunog sa duha ka poluy-an sang mag-utod nga Ubal.
(c)- Rocky Ducado Billones
