*Hingpit nang usa ka departamento ang Tourism Office sa Provincial Capitol, human kini gipalig-on pinaagi sa Ordinance No. 1402-2017 sa Sangguniang Panlalawigan, nga nagmugna sa maong buhatan isip regular nga department.*
*Ang maong departamento ang gidumala ni Atty. Jeffrey Saclot, kinsa gitudlo ni Gobernor Bambi Emano samtang si Yvone Waga usab ang asst. department head sa maong buhatan. *
*Kini human nga nanumpa ang duha ka opisyal atubangan sa gobernador sulod sa iyang buhatan atol sa kasaulogan sa katukoran sa lalawigan sa Misamis Oriental.*
*Tungod niini, mohimo sa paggahin og pundo ang gobernador alang sa bag-ong natukod nga departamento aron kini makalihok sa iyang mga bulohaton ilabina sa pagpalambo sa turismo sa lalawigan.*
*By; Radyoman Aiza Enloran and Baculio Ellah*
