Kalibo, Aklan — Naga pabilin nga tayuyon do pag aeabutan it mga turista paadto sa Isla it Boracay sa pihak ko pag pahayag ni President Duterte nga paga sarhan do isla pag indi maayos do mga gina pangatubang nga problema partikular do environmental issues sa isla it Boracay.
Suno kay Mr. Nieven Maquirang, Jetty Port Administrator nga sigidas do pag taas it numero it mga turista nga naga bakasyon sa Boracay nga kun sa siin gina pangunahan it mga Chinese Nationals ag nasundan it mga taga Korea.
Ana man kara nga gin pahayag nga kon ipasara do Isla it Boracay hay mabahoe do maduea bukon eang it sa banwa it Malay kundi pati ro bilog nga probinsya it Aklan bangod nga mabahoe do natao nga revenue maghalin sa Boracay.
Naga salig man do mga taga Caticlan Jetty Port sa pag panguna ni Mr. Maquirang nga masulosyunan eagi do problema nga gina pangatubang it probinsya pamaagi sa pagbueoligan it Local Government it banwa it Malay, Provincial Government ag mga ahensyang natungdan.
