Davao City – Dyuta’y ra unta ang tinubdan sa bikil sa magkaubang trabahante sa hardware apan misangko sa pagpangluba diin usa kanila ang nasamdan ug nadala sa Southern Philippines Medical Center (SPMC).
Subay sa pinakaulahing Medical Bulletin, ang biktima giilang Roland Agket, 34 anyos, taga-Marilog District , Davao City, apan nagpuyo na karon sa Catalunan Pequeño ning syudad ug luwas na sa bung-aw sa kamatayon.
Base sa blotter sa (SPMC) Traumatic Center, mi-ulbo ang init nga panaglalis sa biktima ug kaubang mamumuo gumikan sa gamay lamang nga hisgutanan apan tungod dili magpapildi ang na-una naputong ug mikuha og hait nga hinagiban ang suspect ug dayon duslak sa lawas ni Roland nga natigayon 12:54 sa udto.
Suspect misibat human sa insidente, samtang kapolisan nagpahigayon na og follow up operation aron madakpan.
RadyoMan Joel Viray
