Mosalmot sa international competition sa Cebu City karong umaabot Agosto singko ning tuiga ang usa ka Kagay-anong triathlete.
Kini mao si traffic enforcer John Rey Tumanda, 28 anyos, ulitawo ug taga Yacapin Extension, Barangay 36 ning syudad.
Mosalmot si Tumanda sa international triathlon nga gitawag og Ironman 70.3 Aguila, Asia-Pacific Championship.
Sa interview sa dxCC-RMN Cagayan de Oro gibutyag ni Tumanda nga sa maong kompetisyon iyang makontra ang mga banggitang triathletes gikan sa lain-laing nasud.
Gidugang niini nga kini na ang ikaduhang higayon nga mosalmot siya sa maong international competition.
Mahinumduman nga nahimong 3rd placer si Tumanda sa Ironman 70.3 nga gihimo sa Davao niadtong bulan sa Marso ning tuiga.
Facebook Comments
