Traffic signals gitutukan

13

Davao City – Gipaneguro ni Davao City Transport and Traffic Management Office (CTTMO) Chief Dionisio Abude nga wala matulog ang iyang buhatan sa pagtagad sa 23 ka depektibong traffic lights sa siyudad sa Dabaw.

Sumala ni Abude nga gina-work out na sa iyang buhatan ang tanang gikinahanglan aron makakuha og contractor nga mag-ayo sa daut nga mga traffic lights sa pipila ka intersections sa dakbayan.

Gipalanaog pa niini nga dili pwede madyikon ang pag-ayo sa guba nga mga traffic lights nga naghatag og kahasol ug kalangay sa mga motorista ug sa mga commuters.

Samtang wala pa maayo ang guba nga mga traffic lights, gisandig na lang una ni Abude ngadto sa iyang mga ginsakpan ang hapsay ug tawhay nga dagan sa trapiko sa mga intersection nga guba ang mga traffic lights.

Malaumon usab ang kanhing Police Superintendent nga dili magpabuyag ang mga drivers ug mutuman sila sa mga enforcers aron malikayan ang pagguot sa trapiko sa mga intersection nga may dipirinsiya ang traffic light.

Dungan unya sa pagpatuman sa traffic modernization program, buot ni Abude nga hingpit nang wad-on sa kadalanan ang ubang mga sakyanan sa kadalanan hilabi na sa kadtong dauton na.

Hinoon, wala na tubaga ni Abude ang pangutana kun hitsas ug miarangkada na ba ang traffic modernization program alang sa traffic signalization sa siyudad.

RadyoMaN Joel Viray

Facebook Comments