KABANKALAN CITY – (2nd Update) Patay ang duha ka sakay sang trisikol matapos nabungguan ini sang trak nga may karga nga isda kaina sang aga sa Barangay Camingawan, syudad sang Kabankalan.
Ang mga napatay amu sanday Cecilia Villaruel, 35, kag ang apat ka tuig nga bata nga si Blessed Lines Santillana.
May mga pilason man nga sakay sa trisikol nga amu sanday Leni Santillana, 46; Leopoldo Santillana, 35, Alexander Santillana, 25, kag driver sang traysikol nga Dominador Villaruel, 49, tanan pumoloyo sang Barangay Taloc, syudad sang Bago. Ini sila ang confined sa Corazon Locsin Montelibano Memorial Regional Hospital.
Sa interview sg dyHB kay PSInsp. Edgar Tonico, Deputy Chief of Police sang Kabankalan City nga ang mga ini ang naghalin sa Bayawan City para magtambong sang birthday sang ila himata nga tuigan ginahimo sang pamilya, apang disgrasya nga nabungguan sang trak.
Gilayon naman nga nagsungka ang driver sang trak nga si Camilo Margallo, 59, sang Iligan City sa Bayawan City PNP tubtob nga ginturn-over sa Kabankalan PNP.
