Misaka ang ihap sa mga transferees sa pipila ka mga pampublikong tunghaan dire na sa Butuan City.
Kini maoy nahimong initial nga assessment sa principal sa mga dagkong tulunghaan sa dakbayan sama sa Butuan ug Libertad Central lakip na sa Agusan National High School.
Hinuon ang mga principal dili pa makahatag sa insakto nga figures sa increase sa enrollment tungod kay ila pa kini i finalize.
Pamahayag ni Nenita Jolata, Principal sa Libertad Central Elementary School unang adlaw na sa klase karon apan padayon gihapon ang enrollment ug na-obserbahan ang pagtaas sa ihap sa transferees maong dili pa gyud masuta karon kung pila ang increase populasyon sa magtutungha sa Libertad.
Niya pa gikan sa nagkadaiyang lugar sa Luzon, Visayas ug Mindanao ang mga transferees kung kini usa sa timailhan nga adunay kalamboan sa Butuan.
Ning unang adlaw sa klase miani ug grabi nga traffic ang pagdagsa sa bagang duot sa mga magtutungha sa Agusan National High School ang pinakadako nga secondary school dire na sa dakbayan sa Butuan.
Pamahayag ni Roel Gabor, School Principal sa ANHS nga ila nga gipangandaman ang pagdagsa sa mga magtutungha ug sa karon miabot na sa kapin 13,000 ang ihap sa mga na-enrolled nga mga magtutungha sa maong skwelahan.Sent from my Samsung Galaxy smartphone.
