Davao city – Gikatakdang magtagbo karong bulana ang Working Committee sa lokal nga kagamhanan aron pangunahan ang fact-finding mission sa Asian Development Bank sa giduso nga Transportation Modernization Project.
Una nang gi-schedule ang panagpulong tali sa Working Committee sa kagamhanang lokal ug sa ADB sa miaging bulan alang sa loan fact-finding mission karong bulana.
Gitinguha sa dakbayan nga gilayon maaprobahan sa local committee ang termino sa loan sa buwan sa Disyembre aron masugdan ang implementasyon sa proyekto sunod tuig.
Human sa mahitabong panagtagbo ang Working Committee ug ang ADB magsumite sa report sa Regional Development Council sa Enero ug sa Department of Transportation, ug National Economic Development sa buwan sa Marso suod tuig.
Sayo niini, gikanayon ni City Planning and Development Office Head Ivan Cortez nga ang Transport Modernization project kabahin sa nationwide transport modernization project nga giduso sa LTFRB.
RadyoMan Joel Viray
